سرودۀ زیر تصویری از خاطره های دوران کودکی ام را در زادگاهم در آیینۀ آرزو، یاد آور است:
ایسترماغ (آرزو)
اندخوی جانیم اتگن کونینگ یخشی لیگن ایسـترمیشم
کوک میسه لر تفراغ آستین کوکاریشـین ایستر میشم
ینگی ایل نی بیرامیده پسته،مییز،غولم آوه ایسترمیشم
بغدای میسه کوکارتریب سومــــلی آشین ایستر میشم
اندخوی جانیم اتگن کونینگ یخشی لیگن ایسـتر میشم
کیچه لرده چــروم اوینب قوولب توتوب قاچمـــاغنی
کوندوزکونی ینغاغ برلن قوملاغ اووین توزمــاغنی
ایاغ آستین چولولو سورتیب ایلدام بولب قاچمــاغنی
کل تپه ده توپ توپ دنده اووین چاخــلب آتمـــاغنی
اندخوی جانیم اتگن کونینگ یخشی لیگن ایسـتر میشم
یاغمور یاغسه بیلچه آلیب کوچه لـــــر نی اریت ماغنی
تفراغ برلن خمـــیر قاریب پوت پتی توزیب اوورماغنی
ارابه گه اییــــــــم یوکـــلب شاهــــمردان جان کیتماغنی
گلم یازیب دمبرک چالیب غــــزل اوقـــــیب اویناماغنی
اندخوی جانیم اتگن کونینگ یخشی لیگن ایسـتر میشم
قار یاغگانده کوری آلیب تــــــــام آرتیشین ایستر میشم
یتاغ آستی شواغ یاقیب کوک چای ایچیشین ایسترمیشم
کوکلم آیی اسملاغ اوریب جغاشای تاپیشین ایستر میشم
حوت آیینده چولغه چقیب قوی لر توغوشین ایسترمیشم
اندخوی جانیم اتگن کونینگ یخشی لیگن ایسـتر میشم
آته یورتیم کیلگان کونینگ ایسن لیـکده سیوماغچی من
بو اولکمده برچه لــرنی ساغ وایسن کورمــــاغچی من
یمان کوزدن اوزاغ تیلب،اورتاغ یولداش تاپماغچی من
«جان» ایتادور ایرکین یشاب بیلم یولین توتماغچی من
اندخوی جانیم اتگن کونینگ یخشی لیگن ایستر میشم
شمعچراغی از آبخیز شهر آفتاب